|
 | |  |
| |  حكايات الواد اللى مدوخ البنات - صفحة 2 | |
|
| |
 | |  |
 | | |
| |
| | مسجد الهدي المحمدي :: الهدي المحمدي .. :: مسلسلات ويوميات جمده جداً أوعى تفوتك | شاطر | | | | |
| | | حكايات الواد اللى مدوخ البنات |  |
| |
توفيقمشرف
تاريخ التسجيل : 22/07/2011
 | | | | | أحلى حياةمدير عام المنتدى
تاريخ التسجيل : 10/08/2009
| | | | | أحلى حياةمدير عام المنتدى
تاريخ التسجيل : 10/08/2009
|  موضوع: رد: حكايات الواد اللى مدوخ البنات  الخميس 29 ديسمبر 2011, 7:33 pm | |
| |
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الجمعة 30 ديسمبر 2011, 7:49 pm | |
|
النهاردة إن شاء الله موعدنا مع حكاية
(( على باكاكا وحكايتة مع سها مواعيد ))
قصتنا الجديده هنتكلم بيها مع الضيوف على المنتدى أكتر ما بنكلم الاعضاء ....
كمان إني بكلم البنات اكتر ما بوجة قصتي للشباب.....
كمان اني لسه بتكلم عن الحب .....
- طيب ما تيجوا نسأل البنات كده يعني إية حب في الاول ؟؟
- طبعا انا مش بقصد الحب في الله .....
لأننا اتكلمنا عنه كتير قبل كده و عرفناه ....
انا بتكلم عن الحب اللي بيجمع بين ولد و بنت في مجتمعنا دلوقتي ...
انا عارف ان كل البنات والشباب عرفوا معنى الحب الحقيقي و مكوناته ....
سواء كان ثقة او تعاون او مشاركة او عطاء و تفاهم .....
قصتنا الجديدة بقا هنقول بيها لكل بنت مكونات الحب في قصتك يا ترى كامله و لا ناقصة ؟؟؟؟؟
هو مش انتي بتقولي ان اللي بينك و بين حبيبك ده اسمه حب ؟؟؟؟
و المفروض انك عارفه ان الحب مش بيتجزأ ,, لأنه مفيش حب نصنص و حب اوي اوي , و حب تفاريحي يعني .....
الحب في الاسلام و المجتمع و في عاداتنا و تقاليدنا عامل زي الهرم بالظبط ...
الهرم بيتبني من طوب فوق بعضه و لو شلنا طوبه من وسط الهرم هيقع ...
كمان الحب لو فقد جزء من معانيه و مكوناتة هيتهد و يفشل ....
أكيد بنضحك على بعض لو قلنا ان الحب غير كده , صدقوني ....
على العموم كل فصل من فصول قصتنا الجديدة هيناقش موقف و قاعدة اساسية من قواعد الحب .......
كل بنت بتقرأ فصل من فصول قصتنا يا ريت تسأل نفسها في نهاية كل فصل جديد سؤال مهم جدا ....
يا ترى انا ممكن اكون بطلة فصل انهاردة و يكون اللي بيني و بين اللي بحبة وهم انا بس اللي عايشاة ؟؟؟؟
يا ترى فعلا لو حكم المجتمع عليا و كمان حكم الدين عليا كان كده يبقى انا استحق فعلا الحكم ده ؟؟؟؟
يا ترى انا فعلا بنت عايشة حياتي و ببنيها على مجموعة اوهام انا عايشاها ؟
-
انا عن نفسي هعرض بالدليل الواقعي من حياتنا في مجتمعنا الحاضر صور من
حياة الشباب في قصص حب هما عايشنها , علشان نحكم على بعض و نشوف يا ترى
إية الفرق بين كل قصة و التانيه ...
انا هعرض ان شاء الله كل عوامل الحب و مكوناته و انتم عليكم المقياس بيه ...
مكونات الحب مش بس عرفناها من عادات و تقاليد مجتمعنا ...
لأ كمان عرفناها من الاسلام و القرآن و السنة النبوية الشريفة ...
كل فصل من فصول قصتنا هيعرض عامل واحد بس من الحب و احنا في نهاية القصة هنقدر نشوف فعلا الحب من وجهة نظرنا .......
- قصتنا الجديده هتكون عن جملة ....:-
( انا و انتي يا حبيبتي غير كل الناس اللي عرفوا الحب قبلينا )
( انا و انتي عمرنا ما نكون زي غيرنا )
قصتنا هتكون مناقشه لكل بنت عن فئران التجارب في الحب ....
قصتنا هتناقش الفرق الكبير و الفجوة اللي احنا عاملينها بين مجتمعنا الاسلامي و بين احكام الاسلام .......
لو عاوزه تشوفي الفرق يا اختي بينك و بين نفسك اقري القصه دي بقلبك قبل عنيكي .......
لو فعلا شايفه انك غير كل البشر اللي حبوا قبلك و متأكده انك مش هتغلطي زي غلطة كل البنات قبلك ....( تعالي شوفي بعينك اللي قبلك عمل ايه )
لو عاوزه تعرفي اللي بتحبيه على حقيقته ادخلي شوفي ....
لو شايفاه ملاك في عنيكي يا ترى هوه يستحق كل ده ...؟
لو بتحسي معاه بكل الحب و الحنان يا ترى هوه يستحقه ؟؟؟
طيب ما تيجي كده تشوفي معانا في قصتنا كل الحاجات دي و انتي اللي تحكمي بنفسك على نفسك و عليه ............
مستعده ؟؟؟؟؟؟
- هاتي ورقه و قلم و اكتبي من اول الفصل ما هى مكونات الحب في المجتمع و الدين ...
- اكتبي معايا كيف تحكمي على علاقاتك بالنجاح او الفشل .......؟
- اكتبي معايا قصتك بنفسك و شوفي النهاية ....؟
ممكن الان واحد من شبابنا الكرام يقول :
ليه بتوجة كلامك للبنات اكتر من الشباب ؟
لية دائما بتنصح البنت اكتر من الولد ؟
يا ترى السبب إن البنات عددهم اكتر من الشباب على المنتدى ؟ - من وجهة نظري كعضو على المنتدى, إن على الغالب فعلا الغلطة غلطة البنت في مجتمعنا , مش غلطة الولد , اصل البنت لو قوية من الصعب و يكاد يكون من المستحيل إن الشاب ينحرف اخلاقيا و يقدر يخدع بناتنا ....
مش بس كده !!
الاسلام و الرسول صلى الله عليه و سلم قال ( ما تركت على الرجال فتنة اشد من النساء ) فيما معناه ....
و كمان الرسول صلى الله علية و سلم قال ( اوصيكم النساء , اوصيكم النساء , اوصيكم النساء ) فيما معناه
و بعدين تعالوا هنا, مش انا زيي زي اي شاب محتاج يشوف بنته و اخته و والدته مثال و قدوة في الاخلاق و الالتزام علشان اعيش مستريح في المجتمع ...
و كمان انا حاسس ان فساد المجتمع من اقوى و اشد اسبابه هو فساد الفتيات ..
لأن الفتاة هيا الام و الزوجه في مستقبلي ...
ابني او بنتي مين هيربيهم معايا
و يمكن اكتر من إن انا اللي اربي
فزوجتي هيا اللي بتربي , لأنها هيا الرقيب في البيت اكتر مني انا كزوج ....
يبقى لو شفت مجتمعي البنات فية مؤمنات ملتزمات , مش هخاف على زوجتي او بنتي او ابني و هقول ليهم بعد ربنا زوجه صالحه في بيتي امينة عليا و على اولادي .....
و كمان الشاب مهما كان فاسد اخلاقيا و عاش في مجتمع كل البنات فيه صالحات مش هيلاقي بنت تعصي ربنا معاه ....
من الآخر كده
لو شاب من إياهم صحي
من النوم مسك التليفون و كل ما يطلب بنت يلاقي الطريق و السكة مقفولين ,,
قعد على النت و مش لاقي بنت يهرج معاها او يصاحبها , دخل كليتة مش لاقي
بنت تبصلة او تضحكله , راح النادي او نزل الشارع مع اصحابة و لسة مش لاقي
بنت يكلمها او يقف معاها ,,,
هيعمل ايه بعد كدة ؟؟؟
اعتقد كده مش
هيلاقي غير الزواج وسيلة علشان يوصل بيها , و ممكن ده يكون
سبيل في هدايته و انا متأكد من كده إن شاء الله .....
الجيل القادم مش هيكون قوى لو خرج وسط جيلنا و احنا بالمنظر ده ...
- بنتي و ابني مش هحس انهم نعمة من ربنا عليا بقوة ايمانهم و انا مش لاقي زوجة صالحه تربي معايا .....
- يبقى لما كل كلامي بخاطب فيه البنات اكتر من الولاد تعذروني ...صح ؟
- تعالوا كدة نتعرف على بطلة قصتنا :-
- الاسم :- سها مواعيد ,, السن :- من 16 ل 21 او 22 سنة تقريبا .....
- بابا و ماما و اخواتها مش هيفرق معانا نعرف عنهم حاجة من اساسة ...
- اصحابها مين و دورهم إية في القصة ؟؟ اعتقد هنعرف من الاحداث ...
- متدينة او لأ هنشوف سوا أحسن .....
- حياتها العاطفية ممكن نقول عنها كتير و كتير مع كل فصل جديد .....
- طيب دي سها مواعيد ...
تعالوا نشوف بطلنا .....
- الاسم :- على باكاكا ,, السن :- من 18 ل 28 كده على السريع ...
- اعتقد نفس بيانات البطلة هتكون مناسبة للبطل مع اختلاف الاذواق مش اكتر ....
- طيب يللا بينا نبدأ سوا أحداث الفصل الاول من قصتنا :-
( الصراحه )
- سها وعلى باكاكا في التليفون :-
- سها :- كنت فين كل ده , انا كلمتك و لا مليون مرة و مامتك بتقوللي لسه مرجعش من على القهوة ...؟
وتابعونا بكرة إن شاء الله مع بقية الحكاية
 الموضوع : حكايات الواد اللى مدوخ البنات المصدر : مسجد الهدي المحمدي الكاتب: أحلى حياة |
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الأحد 01 يناير 2012, 9:32 pm | |
| متابعين معايا حكاية (( على باكاكا وحكايته مع سها مواعيد ))
بعد المقدمة الطويله اللى قولناها امبارح هنحكى على طول
ونقول :
( الصراحه )
- سها و على باكاكا في التليفون :-
- سها :- كنت فين كل ده , انا كلمتك و لا مليون مرة و مامتك بتقوللي لسه مرجعش من على القهوة ...؟
- على باكاكا :- ابداً , بس سرحت في الوقت و انا قاعد مع العيال ... و بعدين ما انا جيت اهو , نتكلم ساعتين زيادة مش مشكلة يعني ....
- سها :- و اصحابك بقى اهم مني يا كاكا ؟
- على باكاكا :- لأ طبعا يا سوسو , مكنتش اول ما رجعت طلبتك من غير ما حد يقوللي انك اتصلتي بيا ....
- سها :- كنت مع مين على القهوة و قعدت من إمتى يا كاكا ؟
- على باكاكا :- تقريبا من تسعه تسعه و نص كده , مع محمود و خالد و هيثم ...[/b]
[b]
- سها :- طيب ممكن اعرف بتكدب ليه عليا ؟
- على باكاكا :- و اكدب ليه بس يا سها , ليه القلبة دي في الكلام بقى ؟
- سها :- اصلي عديت من قدام القهوة الساعه عشرة و ربع ومكنش حد قاعد غير محمود و هيثم , و بس ...
- على باكاكا :- عادي ممكن اكون في الحمام او بشتري سجاير , و بعدين كنتي لحد عشرة و ربع برة البيت بتعملي إية ؟؟ مش احنا متفقين مفيش خروج بعد تسعه .....
- سها وعلى باكاكا دخلوا في حوار تاني خالص غير موضوع الكدب ......
...................
- تعالوا كدة نشوف سها و على باكاكا من وجهة نظر اخرى.:-
- سها و على باكاكا في كافيتيريا الجامعة :-
- سها :- كنت واقف مع عبير ليه ؟
- على باكاكا :- ابدا ً , كانت بتسألني على مريم اذا كنت شوفتها ...
- سها :- مش احنا قلنا و اتفقنا ان بلاش وقفة مع عبير , علشان انت عارف انها معجبة بيك و هتموت و ترتبط بيك ...
- على باكاكا :- ايه بس اعمل ايه يعني لما توقفني , اختفي ؟
- سها :- و انت واقف معاها اكتر من نص ساعه بتسألك على مريم ؟
- على باكاكا :- حصل خير يا سها , مش هقف معاها تاني خلاص , متزعليش اوي كده ...
................
- تعالوا نشوف وجهة نظر تانية ....:-
- سها وعلى باكاكا على الانترنت مقضيين الليل شاتينج :-
- سها :- بتكلمي حد يا ميادة ؟
- ميادة :- بكلم تلاتة صحابي , وعلى باكاكا كان معايا و لسه قافل , كان بيسألني على خطيبي و الاخبار , و بعدين سألني على اخويا و قفل , هوه مش بيكلمك و لا إيه ؟
- سها :- لأ معايا طبعا , طيب اوك انا معاه مشغولة شوية , و لو حنان دخلت قوليلها تكملني ....
[size=29]- على باكاكا :- الوووووووووو . مشغولة مع حد ؟
- سها :- ايوة معاك , لأ مش مشغولة , و انت ؟
- على باكاكا :- ابدا كنت بكلم حامد و قفل خلاص , مفيش معايا غيرك .
- سها :- يعني مكنتش بترد عليا من شوية علشان حامد ؟
-على باكاكا :- آه و الله ,, خير في حاجه ؟
- سها :- لأ مفيش عادي بسأل بس .. كنا بنقول إيه بقى يا كاكا ....
......................
- دي مواقف كتير بتحصل بين على باكاكا و سها ...
- تعالوا كده نشوف التعليق سوا .....
هنحلل الحوار اللى دار بينهم ونكتشف الكدب
- دي مواقف مكررة كتير في علاقات كتير بين كل اتنين .....
- مواقف من واقع حياتنا اللي احنا بنعيشها
يا ترى لية على باكاكا بيكدب على سها ؟؟؟؟
و ليه سها بعد كل المواقف دي بتقول انها بتحب باكاكا ؟
ما تيجوا كده نتكلم عن قيمة الصراحة في العلاقة بين الاتنين اللى بيحبوا بعض
[size=29]اولا : الكدب بيخلق في مجتمعنا بصفة عامة نوع من الشعور بعدم الثقة و الاطمئنان
اصل الصراحة مرتبطة بالثقة , و الاتنين من اساسيات الحب
واصل لو في كدب يبقى في عدم ثقة يبقى في غلط كبير في العلاقة اساسا
اذن يبقى بلاش منه الحب اللي جايبنا ورا ده
- الاسلام و الدين الاسلامي قالوا إيه عن الكدب ؟
- انه من الكبائر , و انه من صفات المنافقين
- وكمان امتى الانسان بيلجأ للكدب ؟
وقت الضعف , او الهروب من مشكلة , او عدم
ثقة في النفس , او وسيلة للهروب من حساب , او عدم شعور بالمسئولية , و
نفاق و انحلال اخلاقي , وووووو
- كل ده في شخصية الانسان الكداب بصفة عامة
والسؤال الان :
- يا ترى انتي موافقه تتجوزي و ترتبطي بإنسان يحمل كل الصفات دي ؟
كل ده لمجرد انك بتحبية , ما هو الحب كده غلطة فيكي , لو تغاضيتي عن كل الصفات دي , و نظرتي لصفات تانيه حببتك فية
- وإية اللي يجبرك تصدقية و هوه بيقول بحبك , و هوه اساسا بيكدب في حاجات تانيه كتير ؟؟؟
هتقوليلي ممكن يكون بيكدب بس دي غلطة و انا مش هحاسبة على كل غلطة و انا كمان بغلط , و هوه بيسامحني
- هقولك على باكاكا مكنش على القهوة , و كدب , اسالي نفسك كده كان فين و ليه كدب ؟؟
- على باكاكا اختار وقت انتي مستحيل تكوني بره البيت علشان تعرفي انه كداب
- وباكاكا كدب و قال انه بيكلم عبير على حاجه تفاهه , مع إنة وقف معاها اكتر من نص ساعة ....
- لية كل ده , و لية الكدب ده كله ؟
- يا بنتي الكدب خيبة و الصراحة راحة .
- خديني على قد عقلي و قوليلي لو انتي كدبتي زيه كده بالظبط , هيكون تصرفة ازاي معاكي ؟
- عاوزه الرد ؟؟؟؟؟
*
*
*
*
*
*
*
- تابعي كده الحلقة اللى جاية معانا ....
واحنا هنعرف الاجابة
وكمان نعرف بقية الحكاية
إن شاء الله
فتابعوناااااااااا
|
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الثلاثاء 03 يناير 2012, 9:13 pm | |
| انتم فين ياشباب ؟؟
متابعين معاى الحكاية وكمان تحليل الحكاية
وياريت كمان الأخوات يكونوا متابعين خاصة ان الموضوع ده يهمهم اكثر
وكمان هن اللى بيتجرحوا اكثر وهى اللى قلبها بينكسر
احنا لسه مع التحليل للحكاية
وقفنا المبارح عند السؤال ده :
قوليلي لو انتي كدبتي زيه كده بالظبط , هيكون تصرفة ازاي معاكي ؟
صحيح لو انتي كدبتي علية كده هيتصرف ازاي ؟
ولو سكت عليكي يبقى اهبل و عبيط و مش راجل اساسا
و لو واجهك يبقى شك فيكي و مش واثق فيكي و حاسس انك بتعملي حاجه من وراة ..
صحيح الاول انتي كدبتي علية ليه ؟
خايفة يزعل لو عرف الحقيقة , و شايفة انها عادي يعني غلطة صغيرة و هتعدي .....
- طيب ما ده اسمه جبن يا جبانة ( اسف )
- و ده معناه بردوه مش في الحب و لا يمت للحب بصلة ....
الاسلام قال لو اخوك غلط فيك التمسلة سبعين عذر ....
و انتي خايفة منه و مش حاسة انك محتاجة عذر واحد من السبعين دول ؟
طيب تعالي كده اصل انا نسيت حاجه اساسا ....
- ده انتي بتكلمية على التليفون و بتقابلية في الكلية و تقعدي معاه , و كمان شات طول الليل .....
يعني اساسا علاقة كلها حرام في حرام .......
و مش عاوزاه يكدب ؟؟
اذا كان مش بيحترم الاسلام و دينه و يطبقة ..
يبقى هيحترمك انتي و يخاف من الكدب عليكي ؟؟؟؟؟
- يا أختي كل ده غلط في غلط اساسا ......
اسالي نفسك مرة واحده بس في حياتك ,, الانسان اللي بيكدب عليكي ده يستحق قلبك و حبك ليه ؟
الانسان اللي انتي بتحبية ده بتقولي بحبك على اساس ايه بالظبط اذا كان معاكي بيفقد الاحساس بالمسئولية و بيكدب و بينافق ....
الحب لما بيفقد الثقه و الصراحه فيه يبقى مبني على غلطة و وهم كبير .....
- الكدب اقرب وسيلة للخيانة , و اللي تستمر على علاقة مع واحد كداب , تبقى تستاهل اللي يحصل سواء قبل الجواز او بعده ......
- طيب انا هقفل على موضوع الصراحه في العلاقة بين بكاكا و سها ..
ونتابع
سوا ركن آخر من اركان الحب و يا ترى الركن ده موجود في علاقة تجمع بين طرفين اسمهم على باكاكا و سها ؟؟؟؟؟
**( التعاون و المشاركة )**
- طبعا دي كلها مواقف بتحصل و هتحصل في مجتمعنا ....
- مواقف من واقع حياتنا.....
- ما تيجوا نشوف سوا كده نقدر نقرأ اللي بين السطور ؟
احفظوا منى الجملة دي :
- من اركان الحب الاساسية و في أي علاقة بين اتنين هنلاقي التعاون و المشاركة ..
و لو فقدنا احساسنا ان الطرف التاني في العلاقة مش بيشاركنا و يتعاون معانا في كل حاجة في حياتنا , يبقى بنفقد الاحساس بوجوده في حياتنا , و بالتالي بنفقد الاحساس بحبنا لية ....
ربنا سبحانه وتعالى بيقول :
( و تعاونوا على البر و التقوى و لا تعاونوا على الإثم و العدوان )
والنبى صل الله عليه واله وسلم بيقول :
( الدال على الخير كفاعلة و الدال على المعصية كفاعلها )
- و المجتمع بيقول :
( اللي يحبني يحبلي الخير , و اللي يحب يبقى يقف جنب حبيبه في الحلوة و المرة , و يا بخت من بكاني و بكى عليا , و لا ضحكني و ضحك الناس عليا )
- ما تيجوا نشوف كدة المواقف اللي بين سها وعلى باكاكا :-
- احنا شايفين فعلا ان باكاكا واقف جنب سها .. بيزاكرلها , و يقابلها , قال ايه فاضل على الامتحان اربع ايام و خايفة , يقوم البية يقابلها علشان يزاكرلها .. شفتوا المساعده ؟؟؟
ما طبيعي ان القعدة بينهم هتكون فيها وقت ضايع كتير , ده غير الحب و العواطف بقى و القعدة الرومانسية , و فوق كل ده ان القعدة بينهم حرام اساسا ......
يا ناس دي نازلة من بيتها بالكدب , يعني ما بني على خطأ فهو خطأ ...
- اللي قرفني بجد و خنقني و انا بكتب , موقف الصلاة ...
الشيطان ( بكاكا ) يعظ , شوفوا ازاي ؟؟؟؟؟
- ( إن الصلاة تنهى عن الفحشاء و المنكر ) و انت قعدت معاها عز
الفحشاء و المنكر نفسه يا بني آدم , بدل ما تقولها حافظي على الصلاة , كنت قللها انك عارف ان كلامك معاها اللي جاي بعد كده و قبل كده حرام في حرام اساسا , و لآ احنا بنقول اللي على مزاجنا و خلاص .....
- و ايه بقه موضوع دار الايتام ؟؟؟؟؟؟
البيه بيستغل الاعمال التطوعية و الخيرية في إنه يعمل راند فو في السليم ...
و بدل ما يقول انه هياخد ثواب من وراء الزيارة , بيقول اهي فرصة نخرج برة الكلية ....
- الاعمال بالنيات يا سها هانم شوفي كده نيته ايه قبل
ما تطلبي منه انه يجي معاكي و يبوظ عليكي الثواب اللي كان ممكن تاخدية من
ورا عمل خيري و تطوعي زي ده ......
- نيجي بقى لوقفة النواصي بتاعت على باكاكا و سها اللي في ثانوي ....
بكاكا بيه بيشارك سها هانم العواطف الرقيقة و المشاعر الحساساة يا اخواتي
بدل ما يشاركها الطاعه و العباده و يقول لنفسه ده عيب و ده حرام و انا كده بودي البنت في داهية بوقفة النواصي و مسك الايدين .....
و هيا بدل ما تخاف من ربنا و تخاف على سمعتها ,, قال ايه خايفة علشان اول مرة يمسك ايديها ...
- على فكرة اللي تسمح لواحد انه يمسك ايدها , هتسمحله بحاجات تانيه مينفعش اقولها على المنتدى ...(ربنا يسترها علينا وعليكم)
- اللي على راسة بطحة يحسس عليها بقى ......وانتى عارفه نفسك وانا اقصد مين من كلامى ده ، وهو كمان عارف نفسه كويس
ماشى ياهانم
على العموم المشاركة و التعاون بين الطرفين لو كانت بالمنظر ده يبقى نقول على الدنيا دمار و خراب يا بشر خراب .....
ما تيجوا نتابع كده الكلام اللى جاى كمان .....
- التعاون الحقيقي يا بنات هوه التعاون اللي بيثبت فعلا إن الحب حقيقة جميلة و منقدرش نستغنى عنها في حياتنا
- التعاون و المشاركة مش مكالمة تليفون يا سها يطمن بيها على بابا , مش انه يذاكرلك و يقابلك في دار ايتام , او يقولك على الصلاة و هوه قاعد معاكي على النيل او قدام الدار او فى المكتبة اياها ....واللى على راسه بطحه يحسس عليها
- لألألأ ... التعاون مش هيكون من واحد بيشجعك على إنك تكدبي على اهلك , و مش هيكون من واحد بتعصي ربنا معاه ,و مش هيكون من واحد بيبوظ سمعتك بوقفته على النواصي.....
- لألأ .... التعاون بيجي من انسان يعينك على طاعة ربنا و يحافظ عليكي اكتر ما بيحافظ على نفسه .....
- التعاون هيكون مع انسان يقف جنبك و يعينك بس علشان تحافظي على علاقتك مع ربنا ....
- لأن اي تعاون غير ده , مش من حق حد غير زوجك يتعاون معاكي فيه .......
التعاون و المشاركة في الحب بيكون بين اتنين علاقتهم مبنيه على الحلال و الصح و بس .....
- لأن العلاقة اللي اتبنت على معصية او خطأ , مش هيكون فيها تعاون على الخير ابدا ......
- صدقيني التعاون مش هيكون غير بينك و بين زوجك و بس ....
لأن زوجك الوحيد اللي يقدر يعينك من غير ما يكون في معصية او خطيئة او نية سيئه بينكم .....
و لو مش مصدقة كلامي ... تابعي معانا كده بقية الحكاية...
و انتي تشوفي بنفسك بقية اركان الحب ....
- و تقارني بنفسك بين الحب اللي بينك و بين الطرف التاني , و بين الحب اللي مستنيكي مع شخص انكتب ليكي زوج ......
معلش النهاردة طولت عليكم وانا عارف انكم عاوزين الحكاية :
- سها وعلى باكاكا على التليفون :-
- سها :- على فكرة يا كاكا مش فاضل غير اربع أيام على الامتحانات و انا قلقانة ..
-على باكاكا :- متخافيش يا سوسو , زاكري كويس انتي و هتعدي ..
- سها :- بس انا مش فاهمه حاجة نهائى ...
-على باكاكا :- خلاص نتقابل بكرة و انا اشرحلك اللي انتي مش فاهماه ...
ونقف هنا
(لالالالالالا خليكوا قاعدين)
نكمل بكرة إن شاء الله ونشوف على باكاكا هيعمل ايه ؟؟
فتابعونا
الموضوع : حكايات الواد اللى مدوخ البنات المصدر : مسجد الهدي المحمدي الكاتب: أحلى حياة |
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الخميس 05 يناير 2012, 10:01 pm | |
| أخر حاجه قولناها عن المشاركة والتعاون
وحللنا المشاركة والتعاون من غير ما نقول ايه حكاية باكاكا وسها مع المشاركه
وايه حكاية مسك الايد اللى خلا سها مش عارفة تتلم على نفسها
وايه حكاية الدار اللى بتتقابل عندها هناااااااااااااااااك فتعالوا على طول نحكى الحكاية وبكرة نشوف التعليق :**( التعاون و المشاركة )**
- سها وعلى باكاكا على التليفون :-- سها :- على فكرة ياكاكا مش فاضل غير اربع أيام على الامتحانات و انا قلقانة ..- على باكاكا :- متخافيش يا سوسو , زاكري كويس انتي و هتعدي ..- سها :- بس انا مش فاهمه حاجة نهائى ...
- على باكاكا :- خلاص نتقابل بكرة و انا اشرحلك اللي انتي مش فاهماه ...- سها :- بجد يا كاكا , هنتقابل بكرة ؟ يعني زي كل يوم جمعة عادي ؟
-على باكاكا :- انا عندي الجمعة دي شيء معتاد , بس هتدفعي كام على الشرح بقى ؟
- سها :- مش عارفة من غيرك كنت هعمل إية بس ؟
- على باكاكا :- كنتي هتسقطي بس مش اكتر ....- سها :- خلاص هقول لبابا اني رايحة ازاكر مع واحدة صحبتي كالعادة ....
سها وعلى باكاكا على التليفون في يوم تاني و سها وبكاكا تانيين خالص :-- على باكاكا :- إية اخبار بابا بقى ؟ كويس الحمد لله ؟
- سها :- الحمد لله , بكرة هيخرج من المستشفى خلاص و هيرجع البيت .- على باكاكا :- طيب كويس , انا كنت قلقان خالص ...
- سها :- و انا عارفة والله يا كاكا , ده انت كنت بتكلمني على الاقل عشر مرات كل يوم , و انا كنت مرعوبة حد من اخواتي ياخد بالة ....- على باكاكا :- انا كان هاين عليا اجي المستشفى و اقول اني قريبكم ..
- سها :- عرفاك مجنون و تعملها .......- سها و على باكاكا في كافيتريا على النيل :-- سها :- انا مش عارفة ليه يا كاكا بقيت مش منتظمة في الصلاة اليومين دول ...- على باكاكا :- لأ , إلا الصلاة يا سوسو , لازم تحافظي عليها , علشان على الاقل تدعيلنا ربنا يوفقنا و نتجوز بقى , انا قربت اتجوز على روحي ..
- سها :- بصراحة انا اكتر منك اساسا , انا اللي هتجوز على روحي ...
- على باكاكا :- الصبر يا سوسو , كلة بيجي بالصبر يا حياتي ....- و القعدة قلبت من موضوع الصلاة لموضوع هادي و رومانسي .......- سها وعلى باكاكا في الكلية :-- على باكاكا :- إية خارجة بدري كده على فين ؟
- سها :- رايحين دار ايتام يا كاكا .. ما تيجي معايا ؟-على باكاكا :- و لية لأ ,, مفيش مشاكل على الاقل نخرج سوا في حتة على راحتنا , بدل قعدة الكلية اللي الواحد اتخنق منها دي ...
- سها :- تعالى ,. بجد هتلاقي اليوم جميل جدا معانا على فكرة ....
- على باكاكا :- معاكي مش معانا , انا جاي علشانك اساسا ....- سها و على باكاكا واقفين على ناصية شارع جانبي ...-على باكاكا :- خلصتي بدري الدرس يعني انهاردة ؟
- سها :- كنت هموت و اشوفك و قلت مش مهم الامتحان اللي بعد الحصة ..-على باكاكا :- و انا كمان كنت هموت و تخرجي بدري
- سها :- انا قايلى لبابا اني هتأخر علشان عندي امتحان بعد الحصة ....
- باكاكا مسك ايد سها ...-على باكاكا :- إية بتترعشي كده ليه ؟- سها :- ابدا بس انت اول مرة تمسك ايدي , مش عارفه بقى , خايفة ...- على باكاكا :- متقوليش خايفة دي و انتي معايا يا حياتي , انا مستعد اضحي علشانك بالدنيا كلها ..- سها :- و انا متأكده من كدة يا كاكا , بس بتترعش بقى و خلاص , اعمل ايه يعني ؟- على باكاكا :- من الحب مش من الخوف يا سوسو , احكيلي بقى عملتي ايه بعد ما قفلنا في التليفون امبارح ؟
ونقف على كده ولسه سها بتترعش وباكاكا ماسك ايديها
ونكمل في الحلقة القادمة مع عنصر جديد من مقومات الحب الا وهو :
الاخلاص
ونشوف بكاكا وسها عاملين ايه فى الكلية ؟؟ الموضوع : حكايات الواد اللى مدوخ البنات المصدر : مسجد الهدي المحمدي الكاتب: أحلى حياة |
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الخميس 05 يناير 2012, 10:21 pm | |
| ايوه ياشباب
انا عاوز اسألكم الاول قبل ما نكمل حكاية على باكاكا
انتم بجد بتستفادوا من القصة والموضوع ولا بتضحكوا وخلاص ومفيش استفادة ؟؟
ياريت تردوا على
ماشى
ونكمل النهاردة بقية حكاية على باكاكا مع سها مواعيد
وكنا تكلمنا عن مقومات الحب من المشاركة والتعاون والصراحة
والنهاردة هنتكلم عن (( الاخلاص ))
***( الإخلاص )***
- ما تيجوا ندخل الكلية الاول :-
- على باكاكا واقف مع جروب بنات , هزار و ضحك و العملية بقت بطاطس..
- سها :- بعد إذنكم يا بنات , هستلف منكم كاكا دقيقتين ..
- البنات :- براحتك خااااالص , احنا شبعنا منه , مترجعيهوش تاني بقى ...
- على باكاكا :- آسف و الله , مأخدتش بالي إنك جيتي الكلية خالص, صحيح انتي إتاخرتي ليه ؟
- سها :- و الله , إتأخرت !! انا هنا بقالي اكتر من ساعة يا بيه , و شايفاك و انت واقف مع الجروب اللذيذ خااااالص , احنا شبعنا منه , مترجعيهوش تاني ههههه ,, بزمتك مش مكسوف من منظرك ؟ ياللي معندكش دم و لا بتراعي الانسانه اللي بتحبك , رد عليا ,, ساكت ليه ؟
- على باكاكا :- مش هرد على كلامك ده طبعا , انتي عارفة انهم مجرد اصحاب , و انتي اللي في القلب يا سوسو , فكي التكشيرة دي بقى , مع ان شكلك امور اوي و انتي متنرفزة .........
- ما تيجوا نروح وراهم الكافيتيريا اللي ف المقطم :-
- على باكاكا :- إيه رأيك بقى في المكان ده ؟
- سها :- بصراحة تحفة , هادي كده و محدش بيبص على حد , كان فين من زمان ؟
- على باكاكا :- موجود يا حياتي , بس انتي اللي مش واخده بالك ......
- سها :- مش واخدة بالي من إيه بقى ؟
-على باكاكا :- إني بقالي شهر بحالة ممسكتش ايدك ..................
و هاتك يا غرام و قعدة بقى في البعيد الهادي , و المقطم و ما ادراك ما المقطم ...
- ما تيجوا نمشي وراهم على كورنيش النيل :-
- سها :- مش واخد بالك ان في انثى ماشية معاك ؟
- على باكاكا:- هه , حلوة انثى دي !! لية بتقولي كده ؟
- سها :- اصل مفيش بنت مشيت قصادك إلآ و جبتها من فوق لتحت ..
- على باكاكا :- ابدا و الله , دي نظرات عابرة عادي ..
- سها :- دي عابرة !! ده انت عينك هتطلع على كل بنت , حاجة تقرف ...
- على باكاكا :- انتي اتقمصتي ليه , يعني مش شايفة طريقة اللبس المستفزة بتاعت البنات ؟؟
- سها :- و انت مالك , ايه دخلك , هيا اختك و لا مراتك , ولا قريبتك ؟
-على باكاكا :- لأ , بس مش منظر يعني , حاجه مستفزة بجد ..
- سها :- انت اللي بقيت مستفز بجد , سلام ...
- على باكاكا :- على فين يا سوسو ؟
- سها :- سلام بقولك , مش طايقة كلامك .. سلام ....
- يا ترى بعد ما سها عرفت ان باكاكا بيكلم بنت على الشات و ولهان معاها :-
- سها :- على فكرة يا كاكا انا عرفت موضوع نهال اللي بتكلمها على الشات , و كمان اتنقلي الحوار بالكامل حرف حرف , و كمان عارفة انك كنت هتنزل بكرة تقابلها ...
- على باكاكا :- بس بس , كنت حاسس انه مقلب , و كويس اني عرفت علشان يرتاح بالي , انا كنت بجاريها في الكلام علشان اعرف بس مين اللي عامل المقلب ده , بس آخر حاجه اتوقعها ان انتي اللي عاملة المقلب ..
- سها :- عبيطة انا علشان اصدق كلامك الغبي ده ...
-على باكاكا :- انتي حرة , عاوزه تصدقي صدقي , بس لازم تعرفي ان انا مش خاين , و كمان حاجه زي اللي بتعمليها دي معناها انك مش واثقه فيا , و ....
- سها :- بس بس , إيه خدوهم بالصوت لا يغلبوكم ؟
- يللا نبدأ سوا في التعليق على المواقف ....
- اتكلمنا عن الصراحه و التعاون و المشاركة كأركان اساسية في الحب ...
- و النهارده بقى عندنا الاخلاص .....
-
اكيد لما ربنا يطلب مننا الاخلاص في العبادة , كان العليم الخبير عارف ان
الحب اللي المفروض يملا قلوبنا ليه مش هيكتمل غير بالاخلاص .....
يعني فعلا حب الله مش بيكتمل و يكون حب حقيقي غير لما نخلص في عبادتة ....
يعني فعلا من غير الاخلاص مفيش حب من اساسة .....
- و كلنا عارفين ان الاخلاص بين الزوجين شرط اساسي في نجاح العلاقة
و إي خيانة في العلاقة الزوجية بتدمرها و تقضي عليها ....
- محدش يقدر ينكر ان الخيانة دليل قوي جدا على عدم وجود الحب , و ان الاخلاص من اكبر الدلائل على الحب خصوصا لو ارتبط معاه بقية اركان الحب ......
طيب احنا شفنا على باكاكا واقف مع جروب لذيذ من البنات , هل ده معناه اخلاص ؟؟...
مفتكرش ..
- شفنا على باكاكا عنية زايغة على اللي رايحة و اللي جاية , هل ده إخلاص ؟؟...
معتقدش ...
- شفنا على باكاكا بيكلم بنت تانيه على الشات قال ايه عاوز يعرف مين عامل فيه مقلب
هل ده إخلاص ؟؟
... مصدقش ..
- طيب فعلا كل المواقف دي خيانة واضحه و صريحة من على باكاكا لسها ....
لكن
موضوع المقطم ده , ايه صلتة بالخيانة و الاخلاص ؟
ده بقى من وجهة نظري اكبر خيانة بين طرفين ....
- إن واحد ياخد واحده تحت ستار الحب في مكان معروف انه بيقعد فيه كل واحد على راحته و ينسجم في القعدة ,,ده اكبر دليل على الخيانة ....
لأن خيانة لمعنى الحب نفسة , خيانة للطهارة في كل علاقة ...
- خيانة للأمانة , و اكبر دليل على انها علاقة مجرد للشهوة و المنفعة الخاصة ....
- الخيانة و انعدام الاخلاص مش بس ان البطل يخون البطلة مع بنت تانية ......
لألألأ ,, الخيانة لما يخونها معاها , يعني يخون الامانة اللي اسمها عفة و طهارة و حياء ....
- الخيانة ,, لما يخون الاسلام و تعاليمة , و يخون الاخلاق و يجرد البنت من شعورها و ارتباطها بالحياء ...
- لما يطلب منك انه يمسك ايدك ,, خان فيكي البراءة , خان بيكي مكارم الاخلاق اللي نزل بيها رسلنا الكريم صلي الله علية و سلم ( إنما بعثت لأتمم مكارم الاخلاق ) ...
- و البطل في قصتك بيمحي الاخلاق من جزورها , يا ريت نفهم الحب الحقيقي ...
بلاش نشوة بنفسنا المعاني الجميلة في الحب , و نحولها لصورة مشوهة بناخدها و نعرفها من التليفزيون و السينما .....
- يا ترى لو البطل شاف اختة مع واحد بيمسك ايدها , هيتجنن و ممكن يقتلها ... ليه ؟
- لأنها خانت ثقة اهلها فيها , بالظبط زي ما انتي خنتي ثقة اهلك فيكي علشان خاطر البطل ....
- و لو اهلك راضيين فإنتي خنتي الامانة اللي ربنا اعطاها ليكي ...
- خنتي الرسول ( صلى الله علية و سلم ) لما قال عليكي حيية , وطاهرة و عفيفة ...
- خنتي اسلامك اللي وصفك بالمحصنة و المصونة ....
تابعونا كده تاني بكرة
مع بقية التعليق
وموقف جديد لبكاكا وسها |
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الأحد 08 يناير 2012, 6:47 pm | |
| قولنا أخر مرة عن ركن من اركان الحب الا وهو (( الاخلاص ))
وهنكمل اليوم التعليق على اللى حصل بين باكاكا وسها
وهنعيش كمان مع ركن جديد من اركان الحب
وانا عاوز كل اللى بيقرأ معانا ومتابع من شباب وبنات انه يكتب النهاردة ايه اللى استفادة من تلك الحكايات .
علشان كلنا نفيد بعض ونستفيد من بعض
بس
البنات مايكتبوش هنا بس يكتبوا عندهم فى كراسة صغيرة وفى اخر الحكايات
هيعرفوا انهم استفادوا وان الحكايات وصلت ليهم معلومة
ممكن يكتبوها بعد كدة فى اقسام الاخوات
نبدأ الاول فى التعليق :
يا ترى لو كنتي زوجة و مخلصة لزوجك تفتكري هتسمحي لنفسك انك تنظري مجرد نظره لغيره ؟
او هيسمح هوه لنفسه انه ينظر لغيرك كرد حقيقي على اخلاصك ليه ؟
- الاخلاص و عدم الخيانة من اهم شروط الحب و اركانة الاساسية ...
لأن لو فقدنا الاخلاص في الحب , يبقى بنفقد الضمير و القلب اللي بيحب , يعني بنفقد الحب نفسه .....
- و انا بقولها تاني , الخيانة مش شرط تكون مع طرف ثالث ,, لكن الخيانة الكبري هي الخيانة اني اخونك معاكي ...
- لما اخليكي تخوني نفسك و طهارتك و عفتك و حيائك و ربك و رسولك ( صلى الله عليه و سلم ) و اهلك , دي اكبر خيانة .....
- لأن الخيانة دي خيانة قلوب مش خيانة جسد و بس .....
و مهما قلت و وصفت مفيش بنت هتحس بكل ده غير البنت اللي خانت نفسها بنفسها
, لأنها اكتر واحده متأكده دلوقتي ان اللي هيا فيه ده متقدرش تقول عليه حب
......
قولي عليه اي حاجه تانيه , لكن متقوليش حب .....
- الحب :- صراحة مش كدب و نفاق ...
- الحب :- مشاركة و تعاون في الخير و طاعة الخالق مش في المعصية ...
- الحب :- إخلاص مش خيانة و تجريد من الايمان و الحياء و مكارم الاخلاق ...
- لسة فاضل كتير اوي علشان نعرف كويس معاني الحب ...
- لسه فاضل معانا اركان كتير اوي من اركان الحب عاوزين نعرفها ...
- لسه فاضل كتير اوي علشان نقول ( هوه ده الحب )
وتعالوا دلوقتى بسرعة الى ركن جديد من اركان الحب وهو :
***( العطاء , التضحية , الإيثار )***
- تعالوا نشوف سها و على باكاكا في التليفون :-
- سها :- كاكا باين عليك رايق و فايق كده , انا عندي صداع من كتر الكلام على فكره ..
-على باكاكا:- يعني عاوزاني اقفل ؟ مفيش مشاكل يا سوسو , انا اسف اني بصدعلك دماغك ..
- سها :- انت زعلت مني يا كاكا , انا بهزر معاك , بس ممكن نتكلم في اي حاجه تانيه , فاكر من اول يوم عرفتني فيه لحد انهارده ؟؟؟
- على باكاكا :- طبعا و دي ايام تتنسي , فاكرها زي ما انا فاكر كل لحظه بعيشها معاكي ...
- سها :- فاكر لما دخت جامد و انا في المحاضرة و انت قابلتني على السلم , و اخدتني على الدكتور و جبتلي الدوا و عصير .....
- على باكاكا :- فاكر طبعا , كل اليوم من اوله لأخره ....
- سها :- فاكر كمان لما كنا طالعين رحلة شرم و كنت تعبانة جدا و انت قمت من على كرسيك اكتر من خمس ساعات علشان تسيبني امدد على الكرسيين , انت استحملت خمس ساعات واقف يا كاكا ...
- على باكاكا :- و اقدر استحمل مليون ساعة واقف كمان ....
- سها :- فاكر فاكر لما اتخانقت مع بابا و مرضيش يديني فلوس اشحن الموبايل و انت جبتلي كارت شحن على حسابك علشان الخط ميفصلش و الشركة تقطعه ....
- على باكاكا :- اه طبعا فاكر , لأني وقتها كان ميعاد شحني انا كمان و قسمت فلوس الشحن على كارتين , ليا و ليكي ...
- سها :- فاكر لما كنت مش فاهمه حاجه في مادة الدكتور اسماعيل , وانت قعدت اسبوعين كاملين تشرحلي الماده دي بدل ما تحضر محاضراتك , كنت تقعد معايا في الجنينة في الكليه علشان تخليني انجح في الماده ..
-على باكاكا :- في الترم ده انا شلت ماده بسبب اني كنت بذاكرلك اكتر ما بذاكر لنفسي ....
- سها :- فاكر لما بابا شال عدة التليفون من اوضتي علشان الفاتورة جت غالية , و قاللي ان انا اللي بتكلم كتير و عقابا ليا شال عدة التليفون من اوضتي ...
- على باكاكا :- اه !! تاني يوم اشتريتلك عدة تانيه صغنتوته اوي علشان تخبيها تحت المخده و نتكلم سوا براحتنا ...
- سها :- فاكر لما كان بينا ميعاد على الكورنيش و انا إتأخرت عليك ساعه و نص بحالهم و الجو كان مطرة شديده اوي , و انت فضلت واقف تحت المطرة مستنيني ..
-على باكاكا :- كنت خايف يكون حصل حاجه ليكي في الطريق , و انتي موبايلك كان مقفول و كنت هموت و اعرف اللي حصل ......
- سها :- فاكر لما طلبت منك ورق الماده اللي كنت بمتحنها , و انت جبته من واحد صاحبك , فاكر اليوم ده ؟
- على باكاكا :- اكيد , كان عندك الصبح
امتحان و انتي طلبتيني الساعه 12 بالليل تقوليلي الحقني الورق اللي هذاكر
فيها ضايعه و مش لقياها و هسقط , و قعدتي تعيطي في التليفون ...
- سها :- ليلتها انت قعدت تدور على حد يكون من دفعتي , و نزلتله و اخدت منه الورق ...
-على باكاكا :- اه , و بعدها مكنش فيه و لا مكتبة فاتحه علشان اصور الورق فيها , و طلبت واحد زميلي ابن خالتة عنده مكتبة و نزلناه من بيته يفتح المكتبة و يصور الورق , و جبتهولك على الساعه اتنين و نص .......
- سها :- فاكر لما كنت تعبانة اوي , و بابا و ماما كانوا مسافرين و انت فضلت معايا على التليفون اكتر من 12 ساعه علشان تطمن عليا و تونسني ....
- على باكاكا :- فاكر طبعا , يوميها كل اصاحبي زعلوا مني علشان منزلتش ليهم و كمان كان حفلة عيد ميلاد هيثم و مرحتش و فضل مقموص مني اسبوعين ..........
- سها :- فاكر بقى يوم ما .......................
- و استمرت سها تقول فاكر و باكاكا يقول طبعا فاكر ........
-على باكاكا :- انتي ليه بتفتكري كل ده دلوقتي مخصوص ؟
- سها :- علشان افتكرت دلوقتي قد ايه انت ضحيت علشاني و فضلتني على نفسك كتير و كمان اعطيتنى كتير من وقتك و فلوسك و تعبك و سهرك
************************
- ما تيجوا نشوف التحليل والتعليق على اللى حصل :-
- يا ترى قيمة العطاء و التضحية و الإيثار في الحب إيه ؟
- و هل مفهوم سها عن التضحية و العطاء هو بس اللي سمعناه من مواقف بينها و بين على باكاكا ؟
- اعتقد ان التضحية و العطاء حاجه تانيه خالص غير موضوع سها و على باكاكا .....
- الايثار يعني لو شفت شخص يهمني امره محتاج حاجه تخصني , بعطيها ليه دون ان اراعي مدى النقص اللي هحس بيه ....
- الايثار اني اعطي الكثير مما احب من اجل من احب .....
- و كمان الايمان مش بيكتمل من غير ما انفق مما احب .........
( و انفقوا من طيبات ما رزقناكم )
- مفهومنا عن الايثار و التضحية لازم يكون اعمق و اشمل من كده بكتير ......
- سها فهمت ان على باكاكا وقت ما كان بيضحي بوقته علشان يذاكر ليها , كده يبقى بيضحي علشانها .....
- فهمت انه لما يكلمها على التليفون 12 ساعه علشان يونسها , كانت دي تضحية .....
- فهمت انه لما يشحنلها الموبايل يبقى بيضحي .....
- طيب بأي حق باكاكا اعطاكي الفلوس و كارت الشحن ......
- لما ربنا امرنا بالعطاء و الايثار كان المقابل جنة الفردوس ....
- لكن لما على باكاكا يعطيكي الاموال يا ترى المقابل هيكون ايه ؟
- تفتكري المقابل هيكون مجرد شعوره بالحب منك ليه ؟
- المقابل يا سها كان معصيه بترتكبيها كل يوم معاه .....
- المقابل كان حيائك و ايمانك بالله و تعاليم الاسلام .....
- المقابل كان قصة حب وهميه و مليانه معاصي .....
اهلك و زوجك بس هما اللي من حقهم العطاء المادي
لكن غير دول مفيش عطاء مادي مسموح بيه
- على باكاكا لما ضحى بوقته علشان يذاكر معاكي .. كان المقابل معصية بتاخديها و انتي قاعده معاه .....
- على باكاكا لما وقف في الاتوبيس علشان ترتاحي انتي و تمددي , كان المقابل وقت طويل عصيتي فيه ربنا معاه في الرحلة ......
- التضحية و الايثار بتكون في الخير و بس ,, مهما كان نوع التضحية , لو بيجي من وراها معصية في المقابل , فوقتها بتكون مش تضحية , بيكون اسمها خطيئة ........
- الايثار لو بين زوج و زوجته بيكون وقتها حق من حقوقك على زوجك , لكن لما تكون بينك و بين واحد عايشه معاه قصة معصية و خطيئة , بيكون اسمها اغراض دنيئة مش ايثار ..........
- عاوزاه يضحي في سبيلك و يؤثرك عن غيرك , يبقى خلية يتجوزك او يسيبك في حالك و يسيبلك المجال لطاعة ربنا و البعد عن المعاصي .....
- يا ترى عرفنا الفرق بين التضحية و الايثار و العطاء بين طرفين مش مسموح ليهم بالمفاهيم دي , و بين شخصين كان العطاء و التضحية في حياتهم امر من اوامر الاسلام عليهم ...؟
- الحب فعلا عطاء و تضحية و إيثار الغير .....
لكن لما يكون الحب بين زوجين او بين الاهل او يكون العطاء ده لوجه الله تعالى ........
- عرفنا انهارده كمان اركان اساسية من اركان الحب و اللي بيتكون بيها حب حقيقي ......
- عرفنا ان الحب اخلاص و صدق و تعاون و مشاركه و تضحية و عطاء و إيثار .......
- لسه فاضل معانا اركان كتير من اركان الحب الحقيقي
وتابعونا مع حكاية جديدة من :
حكايات على بكاكا مع سها مواعيد
منتظر كتابة ايه اللى استفتدوه من الحكايات دية .... |
| | | | ayaنائب المدير
تاريخ التسجيل : 26/08/2010
| | | | | أحلى حياةمدير عام المنتدى
تاريخ التسجيل : 10/08/2009
| | | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الإثنين 09 يناير 2012, 9:57 pm | |
| متابعين معاى الحكاية ؟؟
وعرفنا بعض اركان الحب
والنهاردة هنعيش مع ركن جديد من اركان الحب وهو :
التفاهــــــــم
وتعالوا الى على باكاكا وحكايته مع سها مواعيد فى ركن التفاهم
***( التفاهم ) ***
- سها و على باكاكا على التليفون ...:
- سها :- على فكرة يا كاكا طريقتك في الكلام مع صحابنا كلهم مش عاجباني , بحس إنك عاوز تفرض رأيك حتى لو كان غلط ...
- على باكاكا :- يا سوسو ده اسلوبي فعلا , و انا مقتنع ان التفاهم معاهم لما بيكون بالطريقة دي بقدر اتعامل معاهم .....
- سها :- طب ما كده غلط يا كاكا , حاول تتغير , ما تناقشوا و الرأي الصح يمشي و خلاص ...
- على باكاكا :- انا مش بحب حد يمشي كلمتة عليا , او يحسسني اني غلط ....
- سها :- انت حر , انا قلت وجهة نظري و كنت بوضحها مش اكتر ....
- على باكاكا :- لأ , خليّ وجهة نظرك لنفسك , متشكرين ...
- سها :- هتاخدني معاك فرح بسمة ؟
- على باكاكا :- عادي ما انتي معزومه , بس روحي لوحدك و انا لوحدي ...
- سها :- بس انا عاوزة احضر الزفة معاكم و اركب معاك , و ندخل القاعه سوا ...
- على باكاكا :- بصفتي إية بقى ان شاء الله ؟
- سها :- بصفتك خطيبي , حبيبي , قريبي , أي صفة بس ندخل سوا و خلاص ....
- على باكاكا :- مش بحب حركات المراهقين و الاطفال دي .........
- تعالوا نروح مع سها وعلى باكاكا على الكافيتريا :-
- سها :- كاكا , عاوزه اخد رأيك في موضوع ....
- على باكاكا :- خير يا سوسو , انا سامعك ...
- سها :- عاوزة اطلع رحلة مع صحابي , هما زعلانين اوي اني مطلعتش معاهم و لا رحلة قبل كده ...
- على باكاكا :- غريبة , مع ان كل رحلاتك بيكونوا موجودين فيها ..
- سها :- بيكونوا موجودين آه , بس انا ببقى معاك دايما , و مش بعبرهم او اقعد معاهم حتى خمس دقايق ...
- على باكاكا :- آه , انتي قصدك تطلعي معاهم رحلة من غير ما اكون معاكي ؟
- سها :- آه يا كاكا ممكن اطلع معاهم ؟
- على باكاكا :- عادي براحتك , انتي حرة ...
- سها :- لأ خلاص مش طالعة ..
- على باكاكا :- ليه ؟
- سها :- مفيش كلامك و ردك حسسني انك مش مستريح , مش مشكلة انت اهم منهم ...
- على باكاكا :- انتي حره , براحتك , و على فكرة انا مش شايف لزوم انك تطلعي مكان من غير ما اكون موجود .........
- سها وعلى باكاكا واقفين على ناصية شارع :-
- على باكاكا :- آخر مرة اشوفك واقفه مع دعاء بعد الدروس .....
- سها :- اشمعنا يعني دعاء ؟
- على باكاكا :- مشيها مش كويس , و ماشية مع واحد بيئة , و دبلوم و صايع ..
- سها :- و انا يعني هقولها تحب مين و متحبش مين ,, انا مالي ؟
- على باكاكا :- خلاص متقفيش معاها تاني , انا قلت اللي عندي ...
- سها :- مش مقتنعه بصراحه , طب م .......
-على باكاكا :- لو شفتك واقفه معاها تاني هحرجك قدامها , اتفقنا ........
- سها وعلى باكاكا رايحين على مكان يقعدوا فيه ...:
- سها :- بلاش كافيتيريا الهرم علشان مكشوفة اوي ممكن ؟
- على باكاكا :- متهيألي عادي يعني يا سوسو , عاوزه نروح فين طيب ؟
- سها :- ما تييجي نروح على كافيتيريا صهلله اللي في مدينة نصر مثلا ؟
- على باكاكا :- مقفولة اوي , و خنقة و زحمة شوية ....
- سها :- ايوة ياكاكا بس على الاقل سمعتها كويسه مش زي الهرم ...
- على باكاكا :- دي اللي اعرفها , هنروح هناك و خلاص انتهينا .....
- تعالوا كده نقرأ سوا عن تحليل الحكاية لنعرف التفاهم ..
اتناقشنا قبل كدة عن بعض مكونات و اركان الحب الاساسية ....
- عرفنا قيمة الصدق و الصراحه و الاخلاص و التعاون و المشاركة و العطاء و التضحية و الإيثار
- إنهاردة هنتكلم عن ركن اساسي آخر من اركان الحب الحقيقي ......
- تعالوا نشوف النهاردة قيمة التفاهم في الحب
- صحيح الاول يا جماعة , يعني ايه تفاهم ؟
- تفاهم كلمة ليها معاني كتير اوي في حياتنا ....
التفاهم هوه لغة الحوار , مراعاة اختلاف وجهات النظر , عدم فرض الرأي و تقبل الرأي الآخر , التفاهم ليه تأثير ايجابي في تكوين الشخصية , و كمان له مفهوم كبير اوي بيربط بين الطرفين
التفاهم بيتولد مع شعورنا بالطرف الآخر
التفاهم كلغة حوار بين طرفين , أي طرفين ,, هو العامل على تكوين الروابط بينهم
التفاهم كمان بيعطي لكل طرف الوسيلة لمعرفة الطرف الآخر ....
- انا و زوجتي متفاهمين جدا ( بنسمعها كتير مش كده ؟)
متفاهمين يعني بيقدروا يوصلوا لمناقشة مفيهاش طرف بيفرض رأية على التاني
متفاهمين يعني بقدر انا و هيا نوّصل لبعض رأينا من غير ما نحس ان في تناقض كبير ...
يعنى طريقة الحوار بينا مرتاحين فيها
بنختلف و بنتفق في الآخر على ان نتيجة الحوار كانت الراحة ليا و ليها
مفيش طرف يقدر يسيطر على التاني لمجرد انه اذكى او اكبر في السن ....
التفاهم يعني اقدر اقرأ الافكار من غير مجهود و كلام كتير ....
التفاهم يعني من نظرة اقدر افهم الامر و انفذه .....
التفاهم يعني بكل سهولة اقدر اعرف الطرف التاني محتاج ايه , و احاول اوصل معاه لحل يرضينا سوا ......
- على باكاكا و سها واضح جدا في الحوار انهم بيختلفوا و على باكاكا دايما بيحاول يفرض رأية ....
و بكده سها لازم تكون سلبية في الحوار ......
- لكن لو تخيلنا ان على باكاكا و سها متفاهمين اعتقد ان المواقف مكنتش هتظلم طرف على حساب التاني .....
- و على فكرة بالرغم من إن علاقة سها بابكاكا مبنية على اخطاء و معاصي
لكن الطبيعي ده , لأن ما بني على خطأ بيترتب عليه خطأ
التفاهم بيولد جوانا التسامح و طيب الاخلاق
و دائما بنقول اختلاف الرأي لا يفسد للود قضية , بس ده في حالة التفاهم فقط لا غير ....
- فعلا التفاهم شرط اساسي في تكوين علاقة ناجحه ......
ودلوقتى نقدر نقول ان
الحب من شروط اكتماله ( التفاهم )
وتابعونا بكرة إن شاء الله هنتكلم عن ركن جديد من اركان الحب
مع
على باكاكا وحكايته مع سها مواعيد
فتابعونااااا
|
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الثلاثاء 10 يناير 2012, 7:42 pm | |
| اتكلمنا امبارح عن ركن التفاهم كركن هاااااااااام من اركان الحب وعرفنا ان التفاهم الموجود بين باكاكا وسها ليس تفاهم وانما هو فرض لرأى باكاكا على سها والنهاردة هنعيش مع ركن مهم يجب ان يكون متوفر ليتم به الحب وهو ركن :الاحتــــــــــرام ***( الإحترام )***- مكالمة تليفون بين سها وعلى باكاكا :-
- سها :- ممكن تهدى شوية و نتكلم بالراحه و بالزوق من غير تعب اعصابك ده ؟
- على باكاكا :- متقوليش اهدى و تعب اعصابك و الكلام الفارغ ده , انتي لو بتحترميني و بتراعي مشاعري و اعصابي مكنتيش من الاول طلبتي طلب زي ده , انا مش عارف انتي فكرتي ازاي اساسا تكلميني في الموضوع ده !! بصي علشان بجد مش طايقك دلوقتي قفلي على الموضوع ده , انا قلت اللي عندي و انتي حرة , و على فكره لو نفذتي اللي في دماغك من ورايا هعرف و وقتها مش هسامحك و هيبقى اخر يوم بيني و بينك ......- سها وعلى باكاكا تانييين في مطعم :-
-على باكاكا :- بعد اذنك يا سوسو , هدخل الحمام و راجعلك ..
- سها :- براحتك يا كاكا انا لسه مخلصتش اكل اساسا ...- على باكاكا بعد ما خرج من الحمام قابل في المطعم بنتين كانوا لسه داخلين ,,, وقف معاهم و هذر معاهم و ضحك , اصلهم بقالهم سنتين مشافوش بعض .....
- بعد ربع ساعه سابهم و راح يكمل قعدته مع سها ...- سها :- مش حاسس انك ذودتها شوية ..
- على باكاكا :- اسف يا سوسو , بس بقالي سنتين مشفتهمش ...- سها :- كان ممكن تسلم عليهم و تستأذن علشان فردة الشراب اللي انته سايبها قاعده لوحدها ,, و هزار و ضحك و ققلة ذوق , انت لو عامل حسابك ان اللي قاعده معاك دي بني ادمه و عندها مشاعر و احاسيس مكنتش اتصرفت كده اساسا , لكن على ايه , كده كده هتقول كلمتين حنيني و انا الهبلة العبيطة بسكت في الاخر ,, انا ماشية .
-على باكاكا :- موصلتش لكده يعني يا سها , اقعدي بس ...
- سها و على باكاكا في الكليه :-
-على باكاكا :- مش ملاحظه ان البلوزه دي ضيقه عليكي ؟
- سها :- عارفه بس اعمل ايه , اغلب اللبس في الغسيل و مفيش غيرها تقريبا...- على باكاكا :- عذر اقبح من ذنب ...
- سها :- انا مش بكدب على فكرة , و حاسب على كلامك لأنك بجد مذودها على حاجه هايفه ..
- على باكاكا :- هايفه !! دي حاجه هايفه , متلبسي بادي ستومك و ستريتشات بقى علشان متبقاش هايفه , دي حاجه تقرف , لما تبقي تحترمي نفسك و تلبسي حاجه محترمة ابقى كلميني , انا ماشي من خلقتك علشان مش طايق ابصلك و انتي بالمنظر ده .....
- سها :- كاكا .. كاكا ,.. متسبنيش كده واقفه و بنادي عليك بصوت عالي , منظرنا وحش اوي ...- و سابها و مشي يا حرام ..
- تيجوا نشوف تعليقنا على المواقف .....- من اركان الحب الاساسيه اللي لا غنى عنها و كمان من اركان تكوين الشخصية هو الاحترام - الاحترام من صفات اي شخصيه ايجابية
- الاحترام من مكونات الشخصيه و ده شيء كلنا عارفينه - لكن في حاجه تانيه اسمها الاحترام المتبادل - و ده موضوع فصل النهارده ( الاحترام المتبادل ) بين طرفين على علاقه ....مفتكرش ان مواقف فصلنا النهارده كانت بتدل على وجود احترام متبادل بين سها و على باكاكا
واحد سايب بنت قاعده معاه و رايح يهزر مع بنات تانيه واحد بيقفل السكه في وش واحده و يقولها لو نفذتي كلامك من ورايا , يعني مفيش احترام او ثقه من اساسه ...
واحد لمجرد انك لبستي لبس أوفر شوية زعقلك وسط الناس و سابك و مشي ....
- فين بقى الاحترام يا بنت الناس ؟
- ليه يا بنتي في الغالب بنفقد جزء كبير من الاحترام المتبادل في العلاقات بين البنت و الولد ؟
- ما تسألي نفسك كده ليه فعلا الاحترام مش موجود بصفة دايمه في العلاقات اللي من النوع ده ؟
- مش هقولك الدين قال و الاسلام و الشريعة الاسلاميه قالت ايه على العلاقات اصلك خلاص عارفه و متأكده انه كده كده اللي انتي فيه حرام و معصية - لكن المجتمع لما بيفرض على شخص انه يحترم شخص تاني لازم يكون العلاقه اللي بينهم بتجبرهم على الاحترام ده ....
يعني مثلا مهما كنت انا مش محترم كمدير شركة , واجب على الموظفين بتوعي انهم يحترموني , و السبب انهم بيحترموني كمدير مش كشخص ...- و لما انا بحترم والدي بحترمه لأنه والدي , مهما كان هوه انسان ضعيف الشخصيه لكن مجبر اني احترمه لأن لو محترمتهوش هكون ابن عاق - و كمان الزوجه و الزوج بينهم الاحترام فرض و واجب و لو الاتنين مكنش بينهم احترام متبادل هتفشل العلاقه و هيخوضوا في مشاكل كتير جدا - لكن انتي و اللي ماشيه معاه و بتحبيه , تقدري تقوليلي ليه مش بيحترمك بقدر ما بيحترم الناس اللي مفروض يحترمهم غصب عنه ؟؟؟ لأن انتي اللي لغيتي صفة الاحترام من البداية ...
- انا ايه اللي يجبرني احترم انسانه مش بتحترم اهلها و ماشيه معايا من وراهم ؟
- ايه اللي يجبرني احترم واحده بتنفذلي طلباتي و انا مسيطر عليها تحت شعار الحب ؟
- ايه اللي يجبرني احترم انسانه بتعصي ربنا و اسلامها علشاني ؟
- ايه اللي يجبرني احترم انسانه بالمنظر ده ؟
- لا داعي للاحترام المتبادل بينا من الاساس - و على فكره لما تفقدي شعورك بالاحترام هتفقدي معاني كتير بتجمع بينك و بينه و اهمها شعورك بشخصيتك و من بعدها شعورك بالحب الحقيقي ....- مفتكرش في زوج مش بيحترم زوجته الا و بتظهر بينهم مشاكل جوهرية بتؤدي في النهاية للفشل ...- و مفتكرش ان في انسانه عندها كرامه بعد ما تسمع كلامي ده هتستمر على علاقه بشخص مش بيحترمها كإنسانه ليها رأي و ليها كيان مستقل بذاته ....- و مفتكرش ان الاحترام هيكون مع شخص لغيتي معاه حدود و قوانين شريعتك الاسلاميه .....- و طبعا الاحترام استحاله هيتوجد في علاقه مبنيه على خطأ اجتماعي و ديني ..... الا اذا انتي كنتي مسيطرة على الموقف بقى و بتفرضي على الشخص ده الاحترام بوسائل تانيه لسه العلم و المجتمع معرفهاش ....
- يا ترى عرفتي قيمة الاحترام في الحب الحقيقي - عرفنا سوا اركان كتير في حجر اساس الحب الحقيقي ....- الاخلاص و التعاون و المشاركه و الصراحه و التفاهم و العطاء و التضحيه و الايثار و الاحترام المتبادل ....
- ان شاء الله بكره نستكمل سويا في توضيح اركان الحب الحقيقي ....
علشان نثبت بالدليل ان العلاقة بين سها وعلى باكاكا و بين كل الشباب مبنيه على وهم مش مبنيه على حب
فتابعونا
مع
أخر حلقات (( على باكاكا وحكايتة مع سها مواعيد )) الموضوع : حكايات الواد اللى مدوخ البنات المصدر : مسجد الهدي المحمدي الكاتب: أحلى حياة |
| | | | A___S___Aعضو جديد
تاريخ التسجيل : 06/09/2011
| | موضوع: رد: حكايات الواد اللى مدوخ البنات الأربعاء 11 يناير 2012, 10:46 pm | |
| ما شاء الله
الله يجازيك عنا خير اخى عماد
قرأتها كلها
كلمات مفيدة من اخ كريم
الموضوع : حكايات الواد اللى مدوخ البنات المصدر : مسجد الهدي المحمدي الكاتب: A___S___A |
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الأربعاء 11 يناير 2012, 10:48 pm | |
| اعضاء المنتدى الكرام
- تعالوا كده سوا نتابع آخر فصول قصتنا
على باكاكا وحكايتة مع سها مواعيد
ونعرف من حكايتنا دي :
**( يعني ايه حب ؟؟)**
- زي ما قلت في بداية القصة إني بخاطب و بوجه كلامي و قصتي للبنات والشباب
و قلت كمان اني بركزّ مع الزوار اكتر من اعضاء المنتدى
و دلوقتي بأكد و اعيد كلامي من تاني
- يمكن البعض شايف ان القصه مفيهاش سيناريو و حوار و إخراج زي بقية القصص .
لكن وجهة نظري في القصه انها مش محتاجه مواقف من واقع الحياه
لكن محتاجه تركيز شديد في الجزء الخاص بالتعليق و شرح مكونات و اركان الحب الحقيقي
إنهارده انا مش هكتب مواقف بين سها و باكاكا , لكن هتكلم عن بقية عوامل النجاح في تكوين هرم الحب الحقيقي
- هنتكلم النهارده عن الثقة و عن النوايا الطيبه
- تعالوا نتابع سوا الركنين دول في الحب و مدى اهميتهم
آخر حجرين في هرم الحب و اهم و اخطر ركنين في الحب الحقيقي
( الثقة و النوايا الطيبة )
مفيش حب بيتبني بين طرفين من غير وجود الثقة المتبادله بينهم
سواء كان الحب ده بين زوج و زوجته او اب و اولاده , او حتى في الصداقه
الثقه خصوصا في الحب لازم تكون بدون حدود
- الثقه مش بتيجي من فراغ , لكن الثقة بتتبني على عوامل قلتها قبل كده ....
- متقدريش تشكّي في انسان او تسحبي ثقتك منه و هو بيحمل صفات اتفقنا عليها في الفصول اللي فاتت
- إنسان بيحترمك و متفاهم معاكي و مخلص ليكي و بيشاركك الخير و يعينك على الطاعه
- انسان كريم و مستعد يضحي في سبيل اسعداك و راحتك
- انسان صريح في كل تعاملاته معاكي و بيفضلك على نفسه في كتير من جوانب الحياه
- مستحيل انسان بيحمل كل الصفات دي و يكن ليكي كل المشاعر دي و تقولي انك مش واثقه فيه
- يبقى الثقه هتتبني على مجموعة العوامل اللي شرحناها من قبل فى كل الحكايات
- لو اتوجدت الثقه المتبادله بين طرفي العلاقة يبقى مش فاضل معانا غير اخر ركن و آخر حجر في هرم الحب ....
( النوايا الطيبة )
- النيه في الارتباط الرسمي المقدس ....
- النية في الزواج و انشاء بيت اسلامي و اسرة مسلمه .....
- النيه في بناء بيت مليان بالطاعه و حب الله و النيه خالصه لوجه الله تعالى ....
- يا ترى يا أختى الغالية الشاب اللي انتي مرتبطة بيه و على علاقه بيه , بينك و بينه كام عامل و ركن من اركان الحب الحقيقي ؟؟؟
- عاوزك تجاوبي على نفسك بصراحه و بهدوء و متخجليش من الحقيقه ....
- عاوزه الرد مني انا كأخ كبير ليكي ؟
><
><
><
><
><
><
- مش عارفه تردي على الاسئلة .....؟
تعالي كده معايا نسأل واحده واحده و نشوف الرد هيكون ايه ؟
يا ترى مخلص ليكي و بيعينك على الاخلاص مع اهلك و من قبلهم بيعينك على الاخلاص لربك و رسولك صلى الله عليه وسلم و دينك ؟؟؟
- يا ترى بيحترمك و يحترم مشاعرك و حيائك و من قبلهم بيحترم معاكي و بيكي تعاليم الدين و الشريعه و العادات و التقاليد و كمان بيحترم نفسه ؟
- يا ترى بيعينك على الخير و في الخير , مش بيعينتك على المعصيه و الخطيئه ؟؟؟
- يا ترى متفاهم و بيقدر يفهمك و تفهميه بدون مشاكل ؟؟
- يا ترى صريح في كل تعاملاته ومش بيلجأ للطرق الجانبيه علشان يوصل لأغراضه ....؟
- يا ترى صريح مع الله عز و جل ؟؟؟
- يا ترى عطاؤة و تضحيته بتكون لوجه الله تعالى و لآ اغراضه تانيه و من اهمها معصية الله عن طريقك ؟
- يا ترى بيثق فيكي الثقه العميه , و لا بسببه بتخوني انتي ثقة الله فيكي و بيخونك معاكي وبيكي ؟
- يا ترى نيته معاكي ايه ؟؟
- يا ترى بقى كام سؤال من اللي فاتوا كان الجواب لصالحك و كام سؤال كان الجواب لصالحه , و كام سؤال كان الجواب ضدك و ضد الحب , و كام سؤال كان الجواب فيهم يغضب ربنا سبحانه و تعالى ؟
- اجابتك على نفسك هيا اللي بتحدد اللي بينكم حب ولآ اللي بينكم وهم
- اجابتك هيا اللي بتقول الحقيقه من غير نفاق , لأن الحقيقه دايما ليها وجه واحد , و الوهم ليه عدة وجوه كثيرة
- اجابتك هيا اللي بتحدد نجاح او فشل العلاقة بينكم
- اجابتك هيا اللي بتحدد اذا كان ربنا معاكم و لآ ربنا مش راضي عنك و عن علاقتك
- اجابتك هيا اللي بتحدد اذا كان الزواج بينكم لو تم يعني هيكون النهاية السعيده و لآ كارثه جديده في حياتك ...
- انا مش بقول كلامي ده علشان تخافي او ترجعي في كلامك .. لأ
- انا بقول كده علشان انا متأكد و على يقين انك لو جاوبتي على الاسئله دي و كانت الاجابه ضدك فالنهاية عمرها ما تكوت لصالحك
- بأي مقياس غير الدين و الشريعه الاسلاميه و السنة النبويه و العادات و التقاليد هنقيس بيها حياتنا ؟؟؟
- انا قلتلك مليون مرة و هقولها ملاييين المرات من تاني ...
اللي بينكم بالشكل ده مش حب ,, اقسم بالله مش حب و مش هيكون حب يتبني بيه بيتك ....
- يا أختي المصونه ... صوني نفسك بقى
- يا اختي المحترمه ... احترمي دينك و نفسك و اهلك بقى
- يا أختي الغاليه ... راعي غلاوتك علينا
- يا اختي في الله ... حافظي على نفسك لوجه الله
- يا اختي المؤمنه ... حافظي على حيائك و درة ايمانك
- هتندمي و تبكي على كل لحظة ضيعتيها في الوهم اللي انتي عايشاه ....
- هتخسري كرامتك و حيائك و عفتك و طهارتك و احترامك لنفسك و احترام الناس ليكي
- هتخسري حياتك لو استمريتي تكدبي على نفسك بالمنظر ده ...
- هيجي اليوم صدقيني هيجي اليوم اللي تقولي فيه يا رب رجع بيا الوقت علشان ابعد عنه وعن المعاصي دي ....
- هيجي اليوم اللي تقولي يا رب سامحني عن كل لحظه قضيتها معاه , و ممكن وقتها متلحقيش تتوبي ....
- تساوى ايه كلمة بحبك لو طلعت من انسان خاين
- تساوى ايه كلمة بحبك من انسان عاصي
- تساوى ايه كلمة بحبك من انسان اناني
- تساوى ايه كلمة بحبك من انسان مستهتر
- تساوى ايه كلمة بحبك من انسان بيعينك على المعصية و يؤمرك بيها
- تساوى ايه كلمة بحبك من انسان حرمك من العفه و الحياء
- تساوى ايه كلمة بحبك من انسان هانك
- تساوى ايه كلمة بحبك من انسان جبان
- تساوى ايه كلمة بحبك من انسان فاشل
- تساوى ايه كلمة بحبك من انسان يرضيكي و يعصي اللي خلقك
- تساوى ايه كلمة بحبك من انسان احترمك و محترمش اللي خلقك
- تساوى ايه كلمة بحبك من انسان معرفش في يوم معنى بحبك
- تساوى ايه كلمة بحبك لو مسمعتيهاش من ربي و ربك
- تساوى ايه كلمة بحبك لو محستيهاش من اللي خلقك
- تساوى ايه كلمة بحبك لو اندفنتي في قبرك
بجد انا خايف عليكى
انتى أختى
ولازم احذرك وانبهك ان اللى انت عايشاه مع الواد باكاكا
مش حب ولا يمس الحب بشىء
ولكن
هو وهم وهتفوقى منه بعد مايسيبك ويروح لغيرك لانه زهق منك
ودة اخر الحكاية
إن شاء الله بكرة هنعيش مع حكاية جديد
مع حكاية رشدى احاسيس
فتابعونا |
| | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات الجمعة 13 يناير 2012, 9:54 pm | |
| عاملين ايه ياشباب ؟؟ النهاردة هنبدأ إن شاء الله حكاية جديد من الواد اللى مدوخ البنات وهى بعنوان : ***** (رشدى احاسيس) ***** على اليـاهـ ـ ـ ـ ـ ـو   الشاب (رشدى احاسيس) :هاي البنت:هايرشدى احاسيس :أزيك عامله أيه ؟البنت : الحمد لله بخير , ممكن أعرف مين حضرتكرشدى احاسيس :أعرفك بنفسي أنا رشدى اللي في المنتدى البنت: :أهلا بيك يا أستاذ رشدى, خير في حاجه ولا أيهرشدى احاسيس : بصراحه أول مره أكلم بنت وأضيف ميلها عندي لأني فاشل في أكلم بنت ومليش في المواضيع دي ( وهو اساسا خبير في هذه العلاقات )أنا كنت عايز أشكرك على الموضوع الجميل الي نزلتيه أمبارح موضوع كان بجد جامد تسلم أيدكالبنت: مرسي من زوق حضرتكرشدى احاسيس :لا بجد أنتي أسلوبك جميل وردودك جميله جدا وبتابعها ديما وبتعجبني أراءك في كل المواضيع ودمك خفيف سكر بجد البنت: مرسيرشدى احاسيس : لا من غير مرسي أنا مش بجامل ( وهو أساسا بينافق)البنت: طيب بعد اذنك بس أنا مضطره أقفل دلوقتيرشدى احاسيس : لا برحتك ولا يهمك , أن شاء الله نكمل كلامنا بعدين
البنت: أوك . سلام رشدى احاسيس : سلام يا قمر بعد كام يوم  رشدى احاسيس : هاي أزيك البنت : هاي عامل أيه يا أستاذ رشدىرشدى احاسيس : الحمد لله , ما بلاش أستاذ دي وخليها رشدى أحنا مش بقينا أصدقاء ولا أيهالبنت : عادي يعني رشدى احاسيس : طيب ياريت مش تعملي فرق خليها واحد , بجد تسلم أيدك على الموضوع الجامد الجديد البنت : بس أنا مش نزلت موضوع جديد ( كسفه جامده بس العالم دي مش بيحوق فيها حاجه )  رشدى احاسيس : يبقى قديم المهم أنه عجبني , أنتي أكتر واحده بقرأ مواضيعها وردودها ,اسلوب أنسانه مثقفه وعاقله ودمها خفيفالبنت : كل من ذوقك يا رشدىرشدى احاسيس : لا بجد دي حقيقه , أنا كنت عايز أتعرف عليكي أكتر وأعرفك كويسالبنت : ليه دا كله ؟؟رشدى احاسيس : يعني أحب أعرف الأنسانه اللي بكلمها لأنك شخصية تستحق تتعرفالبنت : أوك هاقلك ......... بعد كام أسبوع  رشدى احاسيس : هاي ... أيه فينك مش باينه ؟البنت : موجودة بس كان في ظروف بسرشدى احاسيس : أنتي متعرفيش أنا كنت عامل أزاي وأنتي مش بتدخلي ولا أكلمكالبنت : معلش حصل خيررشدى احاسيس : ممكن أسمعك حاجه كنت كتبها وتقوليلي أيه رأيك ( وهو جيبها من حته تانيه مش كتبها)البنت : أتفضلرشدى احاسيس : فين يا نور العين ألاقيكي كل يوم بدور عليكي أفتح الماسنجر مش بلاقيكي أسأل عليكي قلبي الي جوا يرد يقلي هو الحب هوا و أحلم بيوم الرجوع حتى لو هاموت من الجوع وعنيا تنزل دموع أقوى من دموع البصل وتقشيره أنتي غيرتي حياتي وقلبي بكل مقاديره ( على أساس أنه بيحب مطبخ مش عارف)  ياريت متسبنيش تاني علشان مقلش على قلبك أناني أعطاني وحرمني في عز أشواقي أه يا حبيبت قلبي يا كل وجداني البنت : جميل تسلم أيدك يارشدىرشدى احاسيس : عجبتك , بجد , أنا كتبها علشانك البنت : علشاني أنارشدى احاسيس : أه أنتي متعرفيش عملتي فيا أيه أنتي أنسانه غيرت حياتي في كل شيء أنتي خليتيني أعيش الدنيا من تاني البنت : أنا ( صدقت للأسف ) رشدى احاسيس : أه أنتي , ممكن أرتبط بيكيالبنت : أنت فجأتني بالموضوع دا أديني فرصه أفكررشدى احاسيس : فكري برحتك وقرري بس ياريت مش تأسي على قلب حبك بجد وهايعمل كل حاجه ترضيكي البنت : أوك بعد كام شهر  رشدى احاسيس : أزيك أخبارك أيه ؟؟البنت : أيه فينك كل ما أتصل بيك قافل الموبيل , مش طايق تكلمني ولا أيه في حاجه مزعلاك منيرشدى احاسيس : لا أصل حصلت ظروف غصبن عني البنت : خير طمني رشدى احاسيس : للأسف مش هانقدر نكمل مع بعض البنت : ليه حصل أيهرشدى احاسيس : ظروف تمنعني أننا نكمل وغصبن عني بجد مش هاقدر أكمل ( وهو زهق منها ومش طيقها وشاف غيرها )البنت : طيب وأنا وحبنا رشدى احاسيس : معلش غصبن عني هاتلاقي أحسن مني , معلش أنا مضطر أقفل , اه وياريت تمسحي نمرة موبيلي من عندك علشان خلاص مش بقى ينفعالبنت : أستنىرشدى احاسيس : معلش يلا سلام ، أشوف وشك بخير ده رشدى احاسيس الي مقضيها ماسنجر وضحك على البنات واللعب بمشاعرهم وفاكرها شطاره وعايش حياته صح ..للأسف
أمثال رشدى كتروا قوي وما عليهم الا أنهم يلعبوا بمشاعر الناس وبس والضحية
هي البنت وتفقد حاجات غالية عليها تفقد حبها ومشاعرها كل هذا علشان أمثال
رشدى رساله إلى كل أمثال رشدى احاسيس أتقي الله قال رسول الله ( صل الله عليه وسلم) (البر لا يبلى والذنب لا ينسى والديان لا يموت, افعل ما شئت فكما تدين تدان ) أعلم أن الله يراك.مش حاجه حلوه أنك تتضحك على دي وتعرف دي ربنا شايفك وهايحسبك على كل حاجه بتعملها ( الحب مش أنك تعرف واحده وتقعد تقلها كلام وفي الأخر تقلها مع السلامه مفيش نصيب) أتقي
الله
وللأسف في بنات بردو يمكن أمثال رشدى بس طبعا في فرق بين الأتنين
ولكن كلهما سواء وهو اللعب بمشاعر الآخرين
تابعونا إن شاء الله مع حكاية جديده
حكاية ( سمسم وسمسمة )
|
| | | | مشتاقة للجنةالمراقبة العامة
تاريخ التسجيل : 26/06/2010
| | | | | أحلى حياةمدير عام المنتدى
تاريخ التسجيل : 10/08/2009
| | موضوع: رد: حكايات الواد اللى مدوخ البنات السبت 14 يناير 2012, 7:03 pm | |
| جزانا الله كل خير
وبارك الله فيكم على المتابعة
وانتظرونا الليلة إن شاء الله مع الحكاية الجديده
الموضوع : حكايات الواد اللى مدوخ البنات المصدر : مسجد الهدي المحمدي الكاتب: أحلى حياة |
| | | | | | حكايات الواد اللى مدوخ البنات | |
|
مواضيع مماثلة | |
|
مواضيع مماثلة | |
| |
| |
| | |
| | |
| (( تذكر جيداً: يمنع وضع صور ذوات الأرواح ويمنع الردود الخارجة عن الشريعه ويمنع الاشهار باى وسيلة والله شهيد )) | | صفحة 1 من اصل 2 | انتقل الى الصفحة : 1, 2 | | تذكر قول الله تعالى :{{ مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ }} سورة ق الآية 18 |
| | صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|
|
|
 |  |
|
>>بحبه يا بابا<<
